Kurso Stòp di Huma
Deskubrí kon nos ta bai yuda bo yega na e vershon nobo di bo mes
Kiko e ta enserá?
Un programa di tratamentu dirigí na persona ku problemátika di dependensia na nikotina (sigaria i/òf tabako).
E base di e programa aki ta positivo. Nos lo bai pone énfasis riba e parti ku ta bisa bo kuantu benefisio bo por saka for di e momentu ku bo stòp di huma.
E kurso aki ta yuda bo stòp di huma den 7 siman. E ta kòrtiku i efektivo.
P’esei e ta importante pa bo tin motivashon interno i ku bo mes ta sinti ku bo ta kla pa stòp di huma.
E kurso aki ta:
- 1 bia pa siman.
- 7 seshon.
- parti atardi.
- nafl. 125,-
E kontribuishon di nafl.125,- ta inkluí:
- Material (map, pen).
- Seshon di relahashon.
- Konsulta ku sikiater (boluntario).
- Kos di ches i di bebe den tur seshon.
”“Kambio ta nesesario pa bo eksperensiá loke ku silensiosamente bo ser ta anhelá, pero ku kisas ahinda bo seleber ta resistí."
S. Cathalina
Kiko bo por spera di e kurso?
7 seshon, kada un ku su enfoke.
Seshon 1
Benefisionan si mi stòp di huma
- Kiko ta benifisionan di stòp di huma pa mi mes.
- Bo propio motivashon pa stòp di huma.
- Lista di registrashon.
- Konseho di siman.
Seshon 2
Humamentu, un adikshon pa mi kita for di dje
- Kiko ta adikshon, kiko ta pasa den mi seleber ku ta pone mi sinti asina pega na e sigaria.
- Lista di registrashon, nos ta ban purba redusí e kantidatnan di sigaria.
- Konsulta ku sikiater (boluntario).
- Kuminsá pensa riba fecha pa stòp.
- Konseho di siman.
Seshon 3
Kon mi por prepará pa momentunan difísil
- Kiko ta mi trampanan, kon mi ta sinti craving.
- Ki momento mi ta sinti mas craving.
- Kiko pa hasi ora mi tin craving.
- Seshon di relahashon.
- Lista di registrashon, nos ta ban sigui redusí e kantidatnan di sigaria.
- Pone fecha pa stòp.
- Konseho di siman.
Seshon 4
E siman aki mi ta stòp di huma!
- Pensamentunan adiktivo.
- Kibra patronchi, kambia kustumber.
- Eksperto di eksperiensia ta bin duna konseho.
- Regsitrá síntoma di apstinensia.
Seshon 5
Sea orguyoso di mi mes!
- Kiko ta síntoma di apstinensia.
- Kon pa dil ku síntoma di apstinensia.
- Reinforsá i mantené kambionan hasí.
- Konseho di siman.
Seshon 6
Kon mi por keda eksitoso?
- Tene kuenta ku bo trampanan.
- Benifisionan di stòp.
- Reinforsá i manteée kambionan hasí.
- Konseho di siman.
Seshon 7
Mi a logra!
- Plan pa prevení rekaida.
- Prinsipio di un eks humadó.
Testimonio i eksperensia
Despues di e seshonnan aki lo tin 3 seshon di kuido posterior (nazorg), 1 bia pa luna. Esaki ta pa yuda mantené apstinensia.
E programa di éksito aki, ta di bo i ta keda den bo man pa bo lag’é bira un éksito tambe.
INSKRIBI DOR DI YENA E FORMULARIO ABOU
Na momento ku nos risibí bo inskripshon, nos lo tuma kontakto mas pronto ku ta posibel.