Nos t’ei pa tur hende!

FMA ta trata diferente grupo meta.

URE

Unidat pa Registrashon i Evaluashon (URE)

Tur registrashon pa kuido hasí pa Fundashon pa Maneho di Adikshon (FMA) ta drenta via di un punto sentral di registrashon. Por kategorisá e registrashonnan den:
Registrashon pa kuido boluntario
Registrashon pa ponementu bou di kuratela

Den e departamento di URE e asesor di Intake & Screen ta pèrkurá pa e proseso di registrashon. Pa por tin un indikashon bon kla di e nesesidat pa kuido, e asesor di Intake & Screening ta investigá e siguiente faktornan, durante di e proseso di registrashon:

  • Struktura familiar
  • Situashon na kas
  • Motivashon
  • Uso di droga
  • Komportashon adiktivo
  • Estado somátiko i síkiko
  • Deseo di e kliente

E konseho pa tratamentu por ta:

  1. Tratamentu ambulante
  2. Tratamentu residensial
  3. Tratamentu partaim

Tratamentu ambulante:

Un programa di tratamentu ambulante ta konsistí di terapia individual i/òf den grupo huntu ku un terapeuta.

Tratamentu residensial:

Durante e tratamentu residensial e kliente ta keda boluntariamente pa un temporada kòrtiku òf largu den e sentro di reabilitashon Speransa.

Tratamentu partaim:

Un tratamentu partaim ta konsistí di diariamente diferente seshon individual i/òf den grupo na Speransa. E kliente ta bin e sentro pa un parti di dia. E tratamentu partaim ta pa hende hòmber i muhé di 18 aña bai ariba.

Otro aktividat na URE:

Ponementu bou di kuratela:
Den kaso ku e kliente (mayor di edat) pa motibu di su problema di adikshon no ta kapas pa sigui un programa di reabilitashon boluntario, por inisiá un petishon pa ponementu bou di kuratela. Ta presentá e petishon akí serka un hues, ku ta disidí si ta pone e persona bou di kuratela. E miembronan di famia lo haña guia i sosten di e asesor durante di e periodo di ponementu bou di kuratela.

Bishita na kas:
Durante di e investigashon, e asesor por hasi bishita na kas pa haña mas informashon tokante di e situashon na kas. Un bishita na kas por tuma lugá tambe pa motivá e kliente pa un tratamentu boluntario.

Registrashon i Reportá:
Lo pone minusiosamente den un fail digital di kliente tur su datonan ku ta relevante. Lo atendé ku e koutela nesesario ku privasidat di e kliente.

Seshon pa lista di espera:
Pa kliente ku ta warda riba un tratamentu ta organisá enkuentro kaminda entre otro ta traha riba nan motivashon i ta duna informashon tokante adikshon.

Kontakto

UTA

Unidat di Tratamentu Ambulante

E departamento akí ta enkargá ku tratamentu ambulante di kliente. E kliente ambulante ta bishitá FMA 1 pa 2 biaha pa siman pa tratamentu, pero ta keda biba den su ambiente. Meta di e tratamentu akí ta pa e yuda e kliente yega na un estilo di bida nobo, kaminda e tin kontrol riba su adikshon. E tratamentu por tuma lugá individual òf den grupo, bou di guia di sikólogo i/òf trahadó sosial.

Kriterio pa tratamentu ambulante:

  1. Motivashon pa sigui e tratamentu.
  2. Persona di kontakto ku ta dispuesto pa sostené e tratamentu.
  3. Aktividat diario den forma di trabou òf estudio.
  4. Stabilidat síkiko.

Pa mucha:

Mini VIP + VIP (VIP = Very Important Person)
(VIP = Persona Sumamente Importante)
  • Mini VIP: 7 – 10 aña di edat
  • VIP: 10 – 12 aña di edat
Mini VIP i VIP ta programa ku den forma di wega ta duna sosten na mucha di 7 pa 12 aña ku ta biba den un ambiente kaminda tin adikshon.

Pa hóben:

Bo ta uniko (BTU) + Bo ta uniko plus (BTU Plus)
  • BTU 12 – 17 aña di edat
  • BTU plus  17 – 21 aña aña di edat

Meta di e programa ta pa yuda e partisipante tuma mihó desishon. Esaki basá riba e informashon ku e partisipantenan ta risibí durante di e programa, ku ta yuda nan yega na mihó komprondementu di nan komportashon, ku e resultado ku e partisipante lo tin mas resistensia kontra adikshon. Lo presentá e informashon na un manera dinámiko, i e partisipante lo por rekonosé su mes i ekspresá liber durante di e seshonnan. Komo ku e manera di interkambio di informashon ta interaktivo e partisipante lo ta kapas na sigui desaroyá su abilidatnan sosial.

E programa Bo ta Uniko/Bo ta Uniko Plùs, ta un programa ku ta duna atenshon na e aspektonan físiko, sosial, emoshonal i spiritual di e partisipante. Huntu ku esaki lo pone atenshon tambe na e partisipante su personalidat i e kualidatnan di su karakter ku ta di importansia pa yega na un kambio positivo. 

Pa famia:

Sosten na famia

E grupo di sosten ta un programa pa famia i ser kerí di un persona ku problema di adikshon.

E persona ku problema di adikshon por ta un kliente ku ta siguiendo (na e momentonan ei) un tratamentu na FMA, òf un persona ku ainda no a kuminsá su proseso di tratamentu.

Meta di e grupo akí:
E meta prinsipal di e programa ta pa duna guia i sosten na e partisipantenan di e grupo.

Edukashon di Famia

De educatiegroep is een programma voor ouders van de jongeren met een verslavingsproblematiek.

 

Het doel van deze groep is om:
  • Ouders bewust te maken van de manier van opvoeden en de gevolgen daarvan

  • De opvoeden te verbeteren

  • Betere communicatie creëren tussen ouders en hun kinderen

Kontakto

Speransa

Speransa ta un sentro di reabilitashon ku ta enfoká riba transformashon di kliente riba nivel sosial, emoshonal, spiritual i físiko.

Na Speransa por interná e kliente (kuido residensial) òf e por sigui un programa partaim (semi-residensial). Keda pa un tratamentu na Speransa semper ta boluntario.

Na Speransa por interná únikamente hende hòmber di 18 aña bai ariba. Hende muhé lo por partisipá na e seshon partaim.

Na Speransa ta bini na remarke pa tratamentu, hende ku tin problema di adikshon di tal gravedat ku tratamentu ambulante no ta posibel. E kliente mester tin un sierto nivel kognitivo di manera ku e por sigui e programa, tambe e mester ta kapas pa sigui traha òf sigui un estudio. E kliente mester ta motivá pa e traha riba su problema di adikshon i no tin mag di tin trastorno síkiko òf físiko grave. 

E kliente di Speransa mester tin un persona di kontakto i sosten di su ambiente sosial.

Por ta interná den speransa pa un periodo di máksimo 1 aña.

Faktor ku ta di influensia den kaso di adikshon:

  • Faktor biológiko manera, inklinashon, hereditario, strès serka mama durante di embaraso, malesa físiko, alimentashon i kondishon general.
  • Faktor sikológiko manera perfekshonismo, inseguridat, nesesidat di afirmashon di otro persona, depreshon i problema ku ansiedat.
  • Faktor sosial manera soledat, yalusí, komportashon agresivo òf di enemistat, konflikto ku otro i soledat.

Speransa ta ofresé:

  1. Desintoksikashon
  2. Residensial
  3. Semi residensial
  4. Kuido posterior 
Tipo di tratamentu: Periodo:
Detoksifikashon 2 dia te 2 siman
Residensial 10 te 12 luna
Semi residensial (partaim) 4 te 6 luna
Kuido posterior (despues di tratamentu) 3 luna, 2 biaha pa luna

Ta determiná e periodo di tratamentu di un kliente despues di e kòmbersashon di diagnóstiko; e periodo por varia segun kada situashon. Semper nos ta duna kuido adaptá na nesesidat di e kliente.

Informashon adishonal

Speransa ta hasi uso di metodologia probá di ta duna éksito. Nos programa ta ofresé un variedat di aktividat struktural pa alkansá e meta prinsipal kual ta apstinensia total di adikshon.

E programa di tratamentu ta ofresé variashon di trayekto di traha i siña, ekspreshon musikal, deporte, trabou sosial, guia spiritual, terapia kreativo, guia, desaroyo di abilidat sosial i mas. 

Tantu e kliente komo e famia ta risibí yudansa profeshonal.

Nos lema ta: “Transformashon ta bo desishon i nos mishon.”

Kontakto

Dios Yudami

Dios Yudami ta ofresé pasadia (‘Porta Habrí) i alohamentu di anochi (keda drumi) na adikto króniko ku ta kana zuèrf den sentro di siudat. Aki e adikto por bini tur dia (7 dia pa siman) pa kuminda grátis, posibilidat pa baña, haña paña limpi i kòrta kabei. Di manera ku e ta kustumbrá na mas higiene i regularidat, i tin ménos molèster riba kaya. 

E pakete di servisio di Dios Yudami ta konsistí di:

  • Chekeo médiko.
  • Intermediashon pa karnèt di SVB i sédula.
  • Suministrashon di remedi.
  • Partisipashon na grupo di orashon i diskushon, aktividat sosial i trabou boluntario na bienestar di komunidat.
  • Intermediashon entre e adikto i e miembronan di su famia.
  • Maneho di entrada di e adikto (den kaso ku ta deseá esaki).

Un Mihó Mañan ta un departamento di Klinika Capriles ku ta duna kuido na kliente ku problema sikiátriko i kliente ku problemátika dòbel (sikiátriko i di adikshon na droga). E departamento akí ta situá den e mes edifisio di Dios Yudami na Scharloo.

Kontakto

Training en Voorlichting

E departamento akí ta ofresé un pakete di servisio dirigí riba entre otro empresa, organisashon i skol.

E servisionan ta:

  1. Duna informashon
  2. Entrenamentu, kurso, tayer i charla
  3. Konseho, guia i informashon relashoná ku alkohòl i maneho di droga.
  4. Informashon (seshon di informashon)

Edukashon di hóben pa hóben (Peer Education)

E tim di Peer Educators (edukadó hóben) ta un grupo di boluntario, ku ta konsistí di hóben i hóben adulto dinámiko, ku regularmente ta duna informashon tokante adikshon i preshon di grupo na skol i hóben di nan edat. Aki ta hasi uso di material oudiovisual, foyeto i diskushon den grupo.

Grupo meta:

  • Mucha ku ta bai skol
  • Enseñansa di fundeshi (grupo 6, 7, i 8)
  • Skol spesial
  • Skol sekundario
  • Hóben ku no ta bai skol
  • Aktividat despues di skol (Naschoolse opvang)
  • Skouting 
  • Grupo religioso i kultural di hóben
  • Sekundario: Instansia i organisashon ku ta hasi petishon pa e servisio di e peer educators (edukadó hóben) 

Trabou di e peer educators ta pará sentral den e totalidat. Ta skoke e peer educator for di e grupo meta.

Kontakto