Hasi bo petishon pa charla
Lesa nos kondishonnan i despues yena e formulario.
Lesa nos prosedura i kondishonnan general
1. Prosedura di petishon
1.1. E formulario digital di petishon pa presentashon informativo mester ta yená kompletu.
1.2. Na momentu ku e petishon drenta serka nos, e solisitante lo haña un yamada di e persona di kontakto di FMA dentro di 24 ora pa pasa konhuntamente dor di e petishon i konkretisá esaki.
1.3. Den máksimo 3 dia despues di e yamada aki e solisitante ta risibí konfirmashon ku tin Peer Educator disponibel pa e fecha deseá.
1.4. E solisitante lo risibí un mail di FMA ku e palabrashonnan hasí en espera di konfirmashon di e solisitante.
1.5. E solisitante tin un siman pa konfirmá ku e ta bai di akuerdo ku e presentashon informativo i e tarifa mará na esaki.
1.6. Den kaso ku e petishon no ta destiná pa nos Peer Educators òf ku e solisitante ke un tema i/f kolaboradó spesífiko di kuido di adikshon, nos lo manda un oferta ku tarifa adaptá.
1.7. Despues ku e solisitante bai di akuerdo ku e oferta, sobrá puntonan di e prosedimentu di petishon ta drenta na vigor.
1.8. Den kaso ku e solisitante no ta bai di akuerdo ku e oferta òf kondishon general e por pone FMA na altura di esaki via di yamada telefóniko, whatsapp òf via meil.
1.9. FMA por reservá fecha/pone fecha tentativo wardando konfirmashon di e solisitante te ku 4 dia despues di e delaster kontakto. Si no risibí konfirmashon di e solisitante, e fecha lo bira disponibel pa otro solisitante.
2. Kondishon mará na petishon
2.1. Petishon pa presentashon informativo mester ta entregá por lo ménos 2 siman adelantá.
2.2. Kantidat máksimo di partisipante pa e presentashon informativo ta 25 persona.
2.3. Repartishon di edat mester ta bon klá for di adelantá (hoben huntu, hende grandi huntu).
2.4. Si e lokalidat di e presentashon ta otro for di e adrès di fakturashon, menshoná esaki mas klaro ku ta posibel den e petishon.
2.5. E persona di kontakto di FMA ta indiká ku nos tin un lista di presensia i formulario di evaluashon pa tur partisipante yena dia di e presentashon.
3. Riba dia di e presentashon/seshon di informashon
3.1. E Peer Educator mester ta presente 30 minüt promé ku e presentashon.
3.2. E Peer Educator mester sòru pa e tin tur material i artefakto segun palabrashon ku e solisitante. Si esaki no ta e kaso, e solisitante por duna ‘feedback’ na e kolaboradó di FMA.
3.3. E solisitante ta sòru pa e materialnan disponibel ta klá poné por lo ménos 30 minüt prome ku e presentashon kuminsá.
3.4. Mester tin un adulto presente durante di henter e seshon di informashon pa un públiko menor di edat (17 aña òf mènos). Si e hóbennan indiká ku nan no ta sinti nan seif pa por ekspresá nan mes, e Peer Educator lo aserká e adulto i palabrá kiko e posibilidatnan ta pa asina por krea un espasio seif pa e hóbennan.
3.5. E Peer Educator ta pidi e partisipantenan yena e lista di presensia na komienso di e presentashon pa asina nos por responsabilisá nos trabou. Ta pidi koperashon di e solisitante den kaso esaki ta nesesario.
3.6. Na final di e presentashon e Peer Educatornan ta parti un formulario di evaluashon ku e ta pidi tur partisipante yena, esaki ta worud yená di forma anónimo, ku e meta pa nos por mehorá nos servisionan.
3.7. Nos lo trata solamente e tópiko ku e solisitante a hasi petishon p’é.
3.8. Ta importante pa e seshon kuminsá na e ora palabrá pa asina nos por akapará tur informashon.
3.9. Na momentu ku e presentashon dura mas ku e kantidat di tempu palabrá, esaki debí na petishon di e solisitante mes pa duna informashon adishonal òf pa motibu ku no a kuminsá na tempu, lo manda un faktura adaptá segun e kantidat di tempu ku e presentashon a dura.
3.10. Si konfirmá mas ku un presentashon i ora yega na e lokalidat pa presentá, un òf mas presentashon kai afó, ta manda faktura pa e kantidat di presentashon palabrá i konfirmá adelantá. Pues si tin algun kambio den e kantidat di presentashon porfabor indiká esaki máksimo dos dia adelantá serka e persona di kontakto di FMA.
3.11. Si sosodé ku un Peer Educator no por yega na e presentashon, FMA lo sòru pa tin un remplasante. Si den kaso di emergensia e Peer Educator kai afó e momentu di presentashon, e solisitante lo haña preferensia riba kualke otro fecha ku e ta deseá.
3.12. E Peer Educator no ta pèrmití pa tuma artefakto ku partisipantenan ke entregá. Den kasonan di esepshon e Peer Educator por palabrá esaki ku e kordinadó di e departamentu di training di FMA promé.
4. Keho
4.1. Den kaso ku tin kuestion di keho òf opheshon, mester manda esaki via un e-mail na e siguiente personanan di FMA:
Richineca Adamus
radamus@ggz.cw
Daniëlla Pengel
dpengel@ggz.cw
5. Responsabilidat
5.1. FMA komo organisashon i/òf nos Peer Educators no ta responsabel pa konsekuensia di akshon ku tuma despues di a duna edukashon/presentashon.
6. Fakturashon
6.1. E faktura lo wòrdu mandá via di e-mail na final di luna ku e presentashon a wòrdu duná. Akiriba lo tin tur informashon nesesario pa e pago por wòrdu hasí.
6.2. Pago di e faktura mester tuma lugá dentro di 2 siman despues ku esaki a ser risibí.
6.3. Pago mester wordú hasi online.
6.4. Si e solisitante ke risibí un konfirmashon di su pago, e por hasi petishon pa esaki serka e persona di kontakto di FMA i e lo risibí esaki via di e-mail.
7. Tarifa
7.1. E tarifa ta dependé di e durashon di e presentashon. Tur presentashon ta dura mínimo 1 ora.
1 ora = nafl. 35,-
1,5 ora = nafl. 52,50
2 ora = nafl. 70,-
7.2. Petishon pa un profeshonal / kolaboradó spesifiko den adikshon lo manda oferta ku tarifa adaptá.
8. Anulashon
8.1. Den kaso di anulashon preferibel avisá esaki por lo ménos 3 dia adelantá.
8.2. Na momentu ku yega na e presentashon i e solisintante indiká e momentu ei ku e presentashon no ta bai dor mas, lo manda faktura pa e solisitante segun e palabrashon i konfirmashon hasí.
Yena e formulario abou ku tur bo detayenen deseá
Na momento ku nos risibí bo petishon, nos lo tuma kontakto mas pronto ku ta posibel.