Kiko ta mariwana (THC)?

Mariwana ta flor i blachi machiká di e mata di Hènep mihó konosí komo Cannabis Sativa. E koló di e mariwana por varia entre bèrdè -maron of hel, dependé di su pais di origen i tambe e kalidat. Tin diferente tipo di mariwana manera p.e. ‘skúnk’, ‘kolombiano’, ‘djama’, ‘Krioyo’ i ‘K2’. Un ta mas fuerte ku e otro, dependé e konsentrashon di elemento/ ingrediente sikoaktivo (THC) den e supstansia.

Delta -9- Tetrahydrocannabinòl mihó konosí komo THC ta un elemento siko- aktivo importante den Mariwana i Hasj. THC ta duna e usadó sintomanan sikoaktivo manera p.e. high, stoned, paranoia i halusinashon.

Mariwana sa ser yamá pitu, cheiba of jòint i tambe sa ser uzá aparte di sigaria, den diferente forma manera den pipa ku awa (bòng), den kuminda (space cake) òf den forma di te.