Enkuesta tokante uso di alkohòl na Kòrsou – 2024
Na aña 2024, Fundashon pa Maneho di Adikshon (FMA) a hasi un enkuesta online pa haña un mihó bista pa ku uso di alkohòl i otro supstansianan adiktivo na Kòrsou. Un total di 376 persona a partisipá — 269 hende muhé i 107 hende hòmber.
Ta importante pa menshoná ku esaki ta un enkuesta ku ta duna un indikashon, no un representashon kompletu di komunidat.
📊 Resultado prinsipal
- 83.2% di hende muhé i 91.6% di hende hòmber a bisa ku nan a usa algun supstansia adiktivo algun biaha.
- 80.4% di e partisipantenan menor di 21 aña a bisa ku nan a purba mínimo un tipo di supstansia adiktivo.
🍺 Supstansianan mas usá
- Alkohòl, manera e añanan anterior ta keda e supstansia adiktivo mas usá, siguí pa sigaria/nikotina i vape.
- Otro supstansianan manera mariwana, XTC i kokaina ta ménos komun.
🥂 Kantidat di konsumo di alkohòl
- 65% ta bebe ménos ku dos glas di alkohòl pa luna.
- 15% ta bebe 1 te 2 glas pa siman.
- 10% ta bebe 3 te 4 glas pa siman.
🚗 Influensia riba komportashon i área di bida
- 53.2% di e partisipantenan a indiká ku nan a kore outo bou di influensia di alkohòl.
- Esaki ta inkluí 15 hende hòmber i 3 hende muhé.
- 10.7% di nan a haña aksidente bou di influensia di alkohòl.
- 84.6% a bisa ku uso di sustansia no tin niun influensia riba nan finansa, trabou, salú òf famia, pero 10.1% a bisa ku mínimo un área di nan bida tabata afektá.
Konklushon:
E resultado ta mustra ku alkohòl ta e supstansia mas usá na Kòrsou, spesialmente bou di hóbennan i hende hòmber. Aunke mayoria ta bebe moderá, stür bou di influensia ta keda un aspekto preokupante.
Bintisinku (25) partisipante (6.6%) por tin un problemátika di uso di alkohòl, teniendo kuenta ku e impakto di konsumo di alkohòl riba diferente área di bida i tambe ku un dòkter òf spesialista a konsehá nan pa stòp ku uso di alkohòl.
E publikashon aki ta presentá e resultado di 2024 ku ta keda relevante komo un indikashon pa ahustá/ desaroyá startegianan pa prevení adikshon. Ta rekomendabel pa hasi un investigation profundo pa haña mas data ku por usa pa desaroyá startegianan pa intervenshon riba nivel nashonal.
