Un Mishon Ku Ta Sigui Krese

Kiko 29 aña a nifiká pa nos?

29 aña pasá FMA a kuminsá ku e mishon pa yuda hende ku tin adikshon yega na rekuperashon, trato humano, mihó kalidat di bida, dignidat i un mihó futuro. For di e dia ei nos a yuda míles di kliente I nan famia pa pasa dor di momentunan mas duru di nan bida.
Un trabou ku pa nos ta bale la pena konmemorá.

Mas aleu, 29 aña di:

• entrega, lucha, sakrifisio i demostrá empatia na bienestar di nos klientenan.
• di mira diferente kliente perseverá i logra nan meta; kual ta rehabilitá i transformá nan bida.
• di mira hogarnan kasi kibrá ser restaurá. Kual ta ser reflehá den union, den relashon matrimonial, di mayor i yu i hopi mas.
• di mira klientenan mantené òf rekobrá nan empleo bèk.
• di duna serviso na kada un ku tin mester di esaki, sin deskriminashon di rasa, kredo òf koló. 
• Di sirbi e grupo di enfoke di adiktonan króniko, ku pa nan ta nifiká un refugio, hogar, oportunidat pa kambio i ser balorá.
• Eduka komunidat pa medio di diferente charla interesante I treinen di adikshon.

Den nos trayektoria nos a eksperensiá diferente ups and downs prinsipalmente pa ku e parti finansiero. Tabatin añanan ku nos tabatin tur rekurso ku nos mester, un periodo di sinti den gloria ku tur kos ta posibel pa logra. Sinembargo nos a enfrentá periodonan kaminda nos mester tabata kreativo ku e tiki ku nos tin pa asina keda proveé kuido ku nos klientenan meresé. 

Meimei di e ups and downs, semper tabatin momentonan di impakto, sea un kambio inesperá òf un logro ku na promé instante tabata mustra leu. Entre otro, drenta bou di e paraplü di GGz Curaçao na 2020 ku miho kolaborashon na bienestar di e kliente, despedí di departamentunan pa medio di falta di rekurso i re-inova departamentunan ku ta brinda mas tipo di servisio , kampañanan eksitoso pa hasi komunidat konsiente, logra un bùs estilo karavana pa por brinda servisio pafó di edifisio, i mas.

Durante kada reto, un kos a keda konsistente:
nos kompromiso pa e hendenan ku nos ta sirbi.

Un mishon ku ta sigui krese

Komo FMA nos mishon ta pa promové i kordiná aktividat riba tereno di adikshon na un manera amplio i kualifiká, pa medio di: prevenshon, edukashon i tratamentu boluntario, den kolaborashon ku otro instansia.

Ku e mishon aki nos ke mehorá bida di hende i nan famia ku a wordu afektá dor di adikshon. I nos ta hasi esaki huntu ku otro stakeholdernan. Esaki ta netamente loke nos ke sigui krese aden pa medio di ekstendé akseso na tratamentu i rekuperashon na mas grupo di enfoke manera hóben i hende muhé.

Sigui krese dor di bai mas den komunidat, traha mas pafó pa topa e kliente kaminda e ta. Kresementu den mehora nos programanan di prevenshon i di tratamentu ku kurashi pa ta mas inovativo den esaki. 

Reinforsá kolaborashonnan ku stakeholders kibrando e tabú pa hasi un impakto positivo den komunidat.

Ahinda nos ke sigui logra mas; nos deseo máksimo ta pa e malesa di adikshon ser rekonosé komo malesa aki na Kòrsou tambe, di moda ku ta brinda mas perspektiva i oportunidat di rehabilitashon na nos klientenan, sabiendo ku si nan drenta un sentro pa rehabilitá, esaki lo konta komo “ao/ziek” i ku nan por konta ku un entrada/ salario pa sigui kumpli ku responsabilidatnan di bida. Adikshon ta un malesa mental.

Nos ta agradesido i ta yama danki!

Klientenan i nan famia ku ta hinka nan konfiansa den nos pa por yuda nan den un parti hopi impaktante den nan bida.
Organisashonnan den kadena di suministro di kuido pa nan kolaborashon. Tur skol i instansianan ku a hasi petishon pa charla.
GGz pa e sosten i kolaborashon pa traha riba kresementu I rekuperashon di nos klientenan.
Empleadonan ku ta hasi nan esfuerso, traha ku dedikashon i amor pa e klientenan i yuda tene FMA na laira ora tin skarsedat di empleado.

Empleadonan di pasado ku a yuda forma FMA i krea un fundeshi sólido.

Esaki ta FMA — Ku kurason grandi i komprometé pa e mishon sigui krese!

FMA hernoemt afdeling Dios Yudami tot UAI en verhuist naar nieuwe locatie in Scharloo

WILLEMSTAD – De afdeling Dios Yudami van Fundashon pa Maneho di Adikshon (FMA) heeft officieel haar nieuwe naam en locatie gepresenteerd tijdens een feestelijke opening. Tegelijkertijd werd stilgestaan bij het jubileum van de afdeling, als een van de eerste diensten binnen de organisatie.

Voortaan gaat de afdeling verder onder de naam Unidat di Asistensia Integral (UAI). De nieuwe naam sluit beter aan bij de aard en inhoud van de dienstverlening. Waar de eerdere naam Dios Yudami (letterlijk: “God help mij”) vooral een noodkreet weerspiegelde, benadrukt de naam UAI juist de gestructureerde en integrale ondersteuning die aan cliënten wordt geboden.

UAI is gevestigd aan de Scharlooweg #68, met de ingang tussen The Movies en FKP bij Waaigat. De unit biedt laagdrempelige ondersteuning aan cliënten die op straat leven en voorziet in basisbehoeften zoals de mogelijkheid om te douchen, schone kleding te verkrijgen, maaltijden te ontvangen, deel te nemen aan sociale activiteiten en kleding te wassen. UAI is zeven dagen per week geopend van 07:30 tot 16:30 uur.

Met deze dienstverlening biedt UAI een veilige plek waar mensen die op straat leven terechtkunnen voor hun basisbehoeften en ondersteuning.

Tijdens de opening werd tevens erkenning gegeven aan zeven pioniers die sinds de oprichting en door de jaren heen een waardevolle en toegewijde bijdrage hebben geleverd aan de ontwikkeling van de dienstverlening. Drie van hen waren aanwezig bij deze bijzondere gelegenheid: de heer Lucio Romero, mevrouw Jureska Lindeborg en de heer Raymond Janzen.

Bùs di departamentu Dios Yudami | ???????????????????????????? ???????? ???????????????????????????????????????? ???????????????? ????????????????

Claudette i su yu ta konta kon a yega na nòmber di e bùs pa Departamentu Dios Yudami.
Tambe Migali ta duna un splikashon di e diseño i kiko ta e meta.

“Si bo ta riba VAPE; kidou bo n’ pèrdè SHAPE!”

Un kampaña di Fundashon pa Maneho di Adikshon (FMA) pa eduká i konsientisá tokante uso di vape pen na Kòrsou.

Ku bista riba e sifranan indikativo di FMA su enkuesta mas resien bou di hóbennan na Kòrsou, uso di vape pen a resultá di ta hopi presente bou di nos hubentut. 16% di hóbennan na Kòrsou tin nan propio vape pen i 41% a usa esaki den e delaster 6 lunanan (mará na periodo di e enkuesta).

Mas aleu, FMA ta ripará ku muchanan for di edat di 10 aña ya kaba ta eksperimentá ku vape pen sin ta konsiente di e posibel konsekuensianan. Esaki ta lokual e muchanan mes ta indiká na momento ku FMA bai diferente skol pa duna charla preventivo.

FMA ke logra un komunidat konsiente di e konsekuensianan di vape pen, alabes pa Kòrsou duna un konteksto hurídiko den forma di prohibishon pa menor di edat entre otro.

Kiko FMA ke men ku “pèrdè shape” den e lema?
Shape ta un palabra na ingles ku ta nifiká ‘forma’/ ‘figura’.
Un hóben ta den su proseso di forma su mes, su kurpa i mente tambe ta den proseso di formashon i desaroyo. Na momento ku droga/ vape pen keda introdusí na e kurpa, esaki ta influensiá desaroyo di e formashon; bo por pèrdè shape na un manera atraktivo bisá.

Pa e motibunan ariba menshoná, FMA a haña nesesario pa lansa e kampaña aki pa trese mas konsientisashon ku ta posibel pa ku uso di vape pen. Fma ta spera ku komunidat lo por realisá ku vape pen no ta asina inosente manera e ta mustra.

Sigui FMA riba Facebook i Instagram @FMAcuracao pa asina keda haña mas konosementu.
Por último, wak FMA durante Teener Parade djabièrnè 9 di febrüari 2024, for di 4’or di atardi.

“Si bo ta riba VAPE; kidou bo n’ pèrdè SHAPE!”