Webinar 25 aniversario

“Ami ta rekonosé adikshon”

Durashon: 4 seshon online
Dianan: 27, 28, 29 i 30 di yüni 2022
Orario: 17:30 - 20:00 (orario di Kòrsou)

27 di yüni 2022
Tópikonan:

  • Adikshon ta un malesa
  • Impakto di adikshon riba mucha
28 di yüni 2022
Tópikonan:

  • Adikshon na suku
  • Adikshon na internèt i gaming
29 di yüni 2022

Tópikonan:

  • Schematherapie i adikshon
  • E ta stim’é mas ku ami! (Adikshon den un relashon)
30 di yüni 2022
Tópikonan:

  • Maneho di alkohol i droga na boka di trabou (Alcohol- en drugsbeleid)
  • Yudansa obligatorio pa kliente ku no ke kuido (OCS en dwangopname)

Sprekers

Sera konosí ku tur e profeshonalnan ku tin e plaser di enrikesé bo konosementu den e webinar.

Verda Betrian

Sikólogo

Despues ku Verda Betrian a terminá su bachelor, Sociaal Pedagogische Hulpverlener na Haagse Hogeschool, el a alkansá su pre-master pa despues e bai studia Klinische Psychologie na Universteit di Leiden. Na aña 2015 el a finalisá su master i despues ku el a traha komo SPH riba e departamentu di Forensisch Psychatrie na Palier, el a bai traha komo sikólogo na e instansha di kuido PsyQ. Na 2018 el a disidí di dal un stap grandi di regresá bèk Kòrsou kaminda e tin mientras tantu kuater aña i mei trahando na Fundashon pa Maneho di Adikshon (FMA). Banda di su funshon di terapeuta, for di 2021 e ta fungi tambe komo kordinadó di e tim di tratamentu.

Mirando e diferente problematikanan ku klientenan tin durante nan tratamentu di nan problematika di adikshon, Verda a sigui diferente treinen, kurso i nasholing riba e area di Cognitieve Gedragstherapie, EMDR, Schematherapie i verslavingszorg. Sigui desaroyá su konosementu i di su koleganan e ta mira komo un parti sumamente importante di e kuido profeshonal ku FMA ta brinda komo e sentro di konosemtu di adikshon na Kòrsou.

Yanieck de Wolff

Ortopedagogo

Yanieck de Wolff a finalisá su estudio komo Pedagoge na Hogeschool van Rotterdam i na aña 2012 el a kaba su estudio komo Orthopedagoge na Universiteit Leiden. For di 2007 e ta trahando den e sektor di kuido. E tin hopi aña di eksperensha ku duna guia, tratamentu i investigashon di mucha i hóben.

Yanieck ta trahando na Sentro pa Inovashon i Guia Edukashonal (SIGE), den e departamentu di School extern Multidisciplinair Advies Team (SMAT). Banda di esei e ta duna colleges na studiantenan di e estudio Toegepaste Psychologie na UOC i parttime e tin su propio praktika ortopedagogiko Grow with me Orthopedagogie.

Ali Ayubi

Médiko, Spesialista den adikshon

Den kurso di mi bida akadémiko i profeshonal mi a atkerí e ekspertisio, liderasko, treinen i motivashon nesesario pa eksitosamente duna lès den e área médiko, méskos ku ehekutá proyektonan di investuigashon den a área di adikshon farmakológiko.
Mi tin un fondo den enseñansa di tópikonan manera Farmakologia, Terapia, Neurosiensia, Etika i Medisina Klíniko.
Tambe mi tin eksperensia ku malesanan di adikshon, tantu den área laboral komo di enseñansa esei ta inkluí téknikanan di entrevista médiko i téknikanan di relashon interpersonal, atkerí pa medio di treinennan spesífiko.

Ademas mi tin ekspertisio den investigashon di aspektonan neurobiológiko i farmakológiko den dependensia di droga i konsekuensianan di uso di e supstansia riba komportashon. Mi investigashon ta inkluí droganan (remedinan) usá pa trata dependensia di supstansianan adiktivo ku ta permití pa traha riba kambionan neurosikológiko asosiá ku adikshon i lo yuda pa haña e manera pa biba i gosa di bida sin uso di e supstansianan adiktivo.

Rosâne Faries

Sikólogo

Rosâne Faries ta un sikólogo klíniko spehalisá den mucha i den prevenshon i tratamentu di adikshon.

Despues di finalisá su master den sikologia klíniko na San Jose, Costa Rica, Rosâne a bin bék na su isla: “Dushi Kòrsou”. E la traha 18 aña na Fundashon pa Maneho di Adikshon desaroyando diferente programa di tratamentu. Despues e la funshoná komo koordinadó di diferente departamento di tratamentu amulante i durante e delaster 3 aña el a traha komo “zorgmanager” di FMA.
Banda di su trabounan na FMA, e ta traha tambe komo sikólogo den su práktika privá ku ta speshalisá den diagnóstiko i tratamentu di mucha.
Rosâne ta un terapista kognitivo-konduktual speshalisá den adikshon. Ademas e ta un terapista di EMDR (terapia pa trouma) i “Christian coach”.

Ijolène Constancia

Sikólogo

Sikólogo klíniko, ku un skala amplio di eksperensia den evaluashon, diagnóstika i tratamentu di trastornonan mental. Ku un skala amplio di spesialidat, entre otro adikshon, desabilidat intelektual leve, trastornonan klíniko, rou, trouma i trastornonan neurokognitivo serka hendenan di edat. Sertifiká den Cognitive Behavioral Therapy, EMDR, Grief Therapy, Schema therapy, Family Systems Therapy, Tele Mental Health. Treiner kualifiká i eksperensiá pa tur nivel di staf, inkluso HR i management. Desaroyadó di eksitoso treinen “For di Mi Adulto Salú” i “Dil ku Strès”.

``Mi fókùs ta riba kontribuí na bienestar di hende, den yuda nan bira e vershon di nan mes.``

Irodice Cijntje - Copra

Sikólogo

Ku un gran pashon pa empoderá hende i ku e konvikshon ku amor i konekshon sosial ta yena nesesidat básiko di e ser humano i formando un ser i un komunidat sano, Irodice a studia sikologia i a spesialisá su mes den e area di relashon.

Irodice a traha den diferente proyekto i funshon tantu na Kòrsou komo na Hulanda komo diseñadó di instrumento práktiko, diseñadó di trayekto di yudansa, diseñadó i dunadó di tayer, dosente i guia di estudio na nivel di HBO, mediadó, guia den grupo, pareha, famia i individual, i analítiko i konsehero sikológiko. Esakinan den areanan manera e.o. adikshon, kapasidat i desaroyo kognitivo i sosial, enseñansa i edukashon, relashon familiar, relashon romantiko i desaroyo sosial i emoshonal.

For di 2013, Irodice pa medio di su kompania Choice Change & Chance B.V. ta kumpli ku su pashon pa promové desaroyo personal di tur miembro di nos komunidat.

Sonaly Diaz

Guiadó Sosial Pedagógiko

Sonaly Diaz a kompleta su estudio di Guiadó Sosial Pedagógiko na Hulanda, i ta kordinadó di e unidat di treinen i edukashon na FMA.
Tambe Sonaly ta un treiner sertifiká di NLP (Programado Neuro Linguístiko) i aktualmente e ta hasi Financial Coach Master Training di Dave Ramsey.
E ta un di e treinersnan sertifiká den Adikshon na FMA, i huntu ku otro treinernan ta duna diferente treinen na kompanianan i dosentenan di skolnan.

Durante di e webinar Sonaly lo trese e tópiko di Maneho di Alkohòl i Droga pa kompania- i skolnan.

Shanidra Juana

Verpleegkundige

Shanidra Juana a finalisá su estudio di Algemeen Verpleegkundige na Fontys Hogeschool na Eindhoven. Despues di su estudio el a traha na Hulanda den e funshon di Verpleegkundige na un hòspital i un ofisina di dòkter di kas. Na aña 2013 el a emigrá bèk na Kòrsou i na aña 2014 e tabata tin un komienso nobo ku su trabou riba e tereno di adikshon.

E tabata trata primeramente petishonnan ku mester a wòrdu presentá den korte en konekshon ku kuratela ku ingreso den un klínika di adikshon òf hospital sikiátriko. For di aña 2021 e ta forma parti di e tim di tratamentu di FMA. Den e mesun aña ei el a sigui e kurso di Praktijk Ondersteunende Huisartsenpraktijk. Desde e temporada ei e ta ehersé e funshon di POH GGZ un bia pa siman na un ofisina di dòkter di kas. Riba djárasonnan e ta risibí kliente na Sentro Médiko Sorsaka. E lokashon aki ta primeramente pa klientenan ku tin sierto difikultat pa dal e stap pa mèldu nan mes na e lokashon prinsipal di FMA.

Durante su karera te ku aworaki Sra. Juana a partisipá ku hopi entusiasmo na diferente kurso, treinen i seshonnan di informashon, tantu interno komo eksterno. Tur esakinan prinsipalmente riba e tereno di adikshon i ku e meta final pa ofresé kada kliente un mihó servisio.

Dikon ta importante pa bo partisipá

  • Enrikesé bo konosementu riba e tereno di adikshon i komprondé dikon adikshon ta un malesa.
  • Haña tep balioso kiko pa hasi den situashon di adikshon òf situashon di rísiko di adikshon
  • Sera konosí mas di aserka kiko ta e yudansanan ku tin pa ku adikshon.
  • Reforsá kontakto entre abo i FMA.
  • Pa huntu sostené e proseso pa yega na rekonosé adikshon komo malesa aki na Kòrsou.

BASIKO

Nafl.

25,-

Pakete “básiko” ta inkluí:

  • Live streaming tur 4 dia

REGISTRÁ AKI

REGISTRÁ AKI

    Nòmber + Fam

    E-mail adrès

    Number di telefòn

    SILVER JUBILEUM

    Nafl.

    50,-

    Pakete “silver jubileum” ta inkluí:

    • Live streaming tur 4 dia
    • Handouts di Powerpoint digital di tur 4 dia
    • Video di tur 4 dia di webinar disponibel pa 2 siman

    REGISTRÁ AKI

    REGISTRÁ AKI

      Nòmber + Fam

      E-mail adrès

      Number di telefòn

      PAKETE SPESIAL

      Nafl.

      65,-

      “Pakete spesial” ta inkluí:

      • Ticket di FMA-Walk (ku lo tuma lugá 26 di yüni 2022)
      • Live streaming tur 4 dia
      • Handouts di Powerpoint digital di tur 4 dia
      • Video di tur 4 dia di webinar disponibel pa 2 siman

      FMA Walk = SOLD OUT!
      Bo por partisipá na Webinar si ahinda!